RIPROPONIAMO CON ALTRE OPERE IL POETA GIOVANNI MATTALIANO
Biografia dell’Autore
Giovanni Mattaliano, nasce a Palermo, nel cuore di un quartiere popolare dove esiste uno dei mercati storici di Palermo “ Ballarò “, passando la sua infanzia giocando tra le bancarelle di frutta e pesce. Dopo aver conseguito la licenza elementare si affaccia nel mondo del lavoro presso un’ officina meccanica dove imparerà il “ mestiere “ che lo accompagnerà fino all’attuale lavoro presso l’Amat di Palermo. In questo contesto comincia a coltivare la sua vena poetica riuscendo ad esprimere in versi, soprattutto in vernacolo, ciò che il suo profondo senso religioso ed umano riesce a trarre dalla sua esperienza quotidiana. Ha partecipato al concorso di poesia dialettale “ Loredana Torretta Palminteri “ classificandosi al primo posto con la poesia “ U Viculicchiu “. Con questa pubblicazione è alla sua prima esperienza di poesia edita.
Lampedusa
Li turchi, li turchi sbarcaru la nostra terra si pigghiaru !
Fineru li tempi di lu sbarcu di li saracini
di sta terra d’amuri eranu addivintati patruni
ora doppu mill’anni, biniritta ‘sta terra divintau
pi ‘sti poviri criaturi abbintati di la guerra.
S’arricampanu accussì comu li fici lu Signuri
senza bursa , bisaccia e sànnuli
pi purtari li figghi alla sarbizza
lassannu la sò terra e viviri ‘na vita dignitusa.
Doppu tanti jorna tra celu e mari
‘a st ‘isula arrivaru ca si chiama Lampedusa
e mischineddi morti di fami e di siti,
e peddi assiccùmata di lu suli
vivinu acqua e mancianu pani
du cori granni di li genti siciliani.
E nutricheddi pigghianu ‘nte vrazza
e annacanu e allattànu pi figghi
ricurdannu la storia (comu si pò scurdari)
ca puru i nostri eranu migranti
sbarcaru ‘n terri luntani e scanusciuti
purtannu figghi pi putiri sfamari.
Gira la rota di la vita.
Oggi a mia dumani a ttia
ricurdamu ca Diu fici la terra
pi stari genti janca, niura , gialla e russa
abbattemu mura, cunfini e frunteri
senza cchiu chiamarisi straneri.
e vui, putenti omini ca l’anima aviti cuscinziusa
pigghiati esempiu, di la genti di Lampedusa
