Paci nei nostri cori
Mi pari ri sentiri
un suonu stranu
ma chi sarà mai?
A tratti pari nu lamentu
e a tratti pari un cantu ruttu
Ma ‘nzocchè?
Ma chi ci fa na palumma
‘nta li rovi tutta ‘ngrasciata?
Pari firita e c’avi un’ala spizzata
nun rinesci a vulari
‘nto beccu avi un ramiceddu
d’alivu tuttu spillacchiatu
Chi ti successi bedda?
“Troppu cosi brutti successiru
troppu ‘nccenti mureru
e iu troppu siddiata sugnu
troppi lacrimi versavu
e ‘nta i rovi mi iccavu
un ma sentu ri vulari
pi purtari la Paci e la Sirinità”
Un fari accussì
si t’arrenni tu
lu munnu crolla
Veni cà amunì moviti
ca ti pulizziu e ti mericu l’ala
accussì poi vulari
U to messaggiu ri Paci e di Serinità
ai a purtari
un tu poi scanzari
E anchi pi chist’annu
a palumma della Paci vuló
Ma u so cori tristi arristó
Pippo Carollo
